Mit: Angelika Polak-Pollhammer – Interview * Eva Lugbauer * Gabriele Müller * Christoph Simon * Maria Lehner * Renate Schiansky * Jasmin Gerstmayr * Christine Tippelreiter * Brigitte Thurner * Andrea Ch. Berger * ChristiAna Pucher * Lea Jehle * Walter L. Buder * Gabriel Schütz * Stefan Reiser * Matthias Hütter * Franziska Zussner * Birgit Rietzler * Lisa Deutschmann * Johannes Lerch * Stefan Walter * Horst Reindl * Mario Huber * Martin Peichl * Daniela Dangl * Irene Zoller * Michaela Nömayr * Katherina Braschel * Harald Jöllinger * Hannes Thauerböck * Regina Appel * Ingeborg Schmid * Brigitta Buchner * Sofie Morin * Christa Dollfuß * Andrea Kerstinger * Annemarie Regensburger * flimmern.fischen
Rezensionen: Annemarie Regensburger – Angela Autsch. Der Engel von Auschwitz * Birgit Birnbacher – Ich an meiner Seite * Katherina Braschel – Es fehlt viel
Zeichnungen: Eckholz, Oleg Estis
Preis: EUR 4.- (EUR 7.- außerhalb Österreichs)
Förder-Abo (4 Ausgaben): EUR 15.- (EUR 20.- außerhalb Österreichs)
Bestellung: Online, per E-Mail (dummail@gmx.at) oder unter 0664 / 4327973.
DUM-Interview: "SIEHST DU DAS NICHT?" mit Angelika Polak-Pollhammer
Leseproben aus DUM 94:
FASCHAUN
(Eva Lugbauer)
drei schdund
samma gsessn
en kafeehaus
hauma gredt
hauma bofed
hauma gschaud
da disch glaunzad
zwischn uns
en kafeehaus
oiswira a see
en winta
und es daud
medde schlidschua
samma gfoan
en kafeehaus
auf den see
zwischn uns
nua mia zwaa
dahii is gaunga
med uns
en kafeehaus
dass me wandld
dass me zauwad
dass me drahd
...
BLIND DATE
(Christoph Simon)
Isch das dis erschte Blind Date?
Aha. Bisch närvös? Söttisch närvös si! I gibe dir e Chance!
Also, über was weimer rede? Bruef, Sport, Netflix, Chindheit?
Hm? Mini Schterchine?
Meinsch mini körperliche Schterchine oder me so generell?
Also körperlech: I ha schöni Händ, gsesch? U schöni Zäng. "Schön" beschribt mi gloub zimlech guet.
Ah, du meinsch me so mi Charakter, okay.
I bi willensschtarch, zielschträbig, i mim Fründeskreis bin i dä, wo's am witischte bracht het.
I bi schportlech, schtrukturiert, verlässlech, warmhärzig, mitfüehlend, e Froueförderer.
Schwechine? Doch, doch, sicher hani o Schwächine. Hmmmmm.
I tanze nid gärn.
Als Teenager da hani mal so Slow tanzet, mit dr Sändle.
I ha mi so fescht a ire synthetisch Pullover drückt, also das het mi derart elektro-schtatisch ufglade, dass i, wo i am Heizrohr aa-cho bi, e Schlag übercho ha u minutelang ufem Luftschutzchällerbode bi blibe lige.
...
S WOA A SO
(ChristiAna Pucher)
er gibt rotschläg
sie hod blaue fleckn
er hod in termin vagessn
sie hod s schlechte gwissn
er is beim staummtisch
sie bei de gschroppm
er bricht d ewge treu
sie nimmt schuld auf si
er is auszogn
und sie is allani
mit m gschiis
s woa a so und is heit
maunchmoi a no so
HEIT! – ODA DO NET? –
die Navratil Helli ausn 3. Stock:
(Renate Schiansky)
Obs an Guglhupf mochn hätt soin?
Sie schaut auf d' Ua. Nua mea zwa Stund, und no so vü z'tuan. Sie wischt iba'n Tisch und brat a neix Tischtiachl driba. Foat min Fetzn iwa die Fenstabrettln und staubt die poa Biachln im Regal o. Vo de Bleamen zupfts no schnö de braunan Blattln obe. Ob a gneist, wie sa se plogt hot, damit's eam do gfoit?
Kane Bresln am Toaster, die Mikrowön glänzt wia a frisch lackierts Hutschpferd. Ollas is pico-bello. Sie saugt no gach iwan Tewich und laat in Mistkiwe aus.
Jetz leit's aun da Tia, ia Heaz pumpat wia a Vuaschloghaumma.
"Kiss d'Haund", griasst da Hausmasta. Er druckt ihr in Schlissl fia die Woschkuchl in d'Haund.
"Muagn um viere kriag i'n wieda", sogt a. "Hawediere!"
Und de Tia foit hinta eam zua.
DU BISD DA SCHDOA
(Hannes Thauerböck)
der ma in schedl des knoirode loch gschlogn hod
der ma des heaz unta seine firasechzg kilo dadrugt
der ma gauns schwa in mein saumogn ligd
du bisd mei edlschdoa
mei werdfoila gloanzada rosngwaz
GESPRÄCHIGE FAHRT
(Johannes Lerch)
Herbert, geh bitte! Jetz ruck hoit a Stickl. Siagst jo eh, dass die Dame si do hisetzn wü.
Heast, du bist jo ned alanig in dera U-Bauhn. Schaust du denn gor ned, sog amoi?
Heit bist wieda a Waunsinn. Worst jo aa voikommen ibaroscht, dass ma umma zwa wegmiassn. Dabei waßt es eh seit via Wochn, dass ma heit eiglodn san. Host jo söba mit ihr telefoniert.
Und des Geschenk hob aa i besurgn miassn, des wor jo eh aa wieda kloa.
Jetzt sog ned, dass dia des Gschenksackl ned gfoit. Hättst ned so umanaundtrödlt, hätt ma Zeit ghobt, no a aundas rauszumsuachn. Na immahin sama ibahaupt no wegkumman heit.
Oba miass ma schaun, ob ma den Bus no dawischn.
Na sicha. Wia des letzte Moi!
Wia: wöcha Bus?
Samma jo eh scho gfoahn!
Waunn? Na waunn wor denn des? Waßt eh, wo die Dings aa dabeiwoan.
Na sicha woast mit. I foa jo ned allanig zu dera auße!
Jo freulich, do samma aa mit an Bus gfoahn. Na von da Alaudagossn!
Naa, die Numma waß i ned.
Glei waumma auffekummt. Do steht a.
Na sicha waßt des. Woast jo dabei.
Na geh. Du waßt jo nie wos. Di intressiert jo gor nix.
Oba i bin echt gspaunnt, wia des heit wird ...
...
