Mit: Annemarie Regensburger - Interview * Claudia Bitter * Engelbert Lasinger * Ingeborg Schmid-Mummert * Gernot Blieberger * Sonja Tobl * ChristiAna Pucher * Martin Peichl * Gerhard Benigni * Josef Graßmugg * Iris Gassenbauer * Werner Stangl * Sabina Fudulakos * Rudolf Kraus * mieze medusa * blume (michael johann bauer) * Angelika Polak-Pollhammer * Thomas Schafferer * Franziska Zussner * Klaus Lederwasch * Yannick Steinkellner * Angelika Woska * Marlene Schulz * Christine Tippelreiter * Traude Veran * Christian N. Opitz * Anna-Lena Obermoser * Harald Jöllinger * flimmern.fischen
Rezensionen: Rosemarie Poiarkov - Aussichten sind überschätzt * Natalie Ofenböck & Der Nino aus Wien - Das grüne Album * Markus Binder - Teilzeitrevue
Zeichnungen: Eckholz
Preis: EUR 3,30.- (EUR 5.- außerhalb Österreichs)
Förder-Abo (4 Ausgaben): EUR 13.- (EUR 20.- außerhalb Österreichs)
Bestellung: Online, per E-Mail (dummail@gmx.at) oder unter 0664 / 4327973.
DUM-Interview: "SOLANG IH 'S MAUL AUBRING" mit Annemarie Regensburger
Leseproben aus DUM 82:
BIERBRAUA
(Engelbert Lasinger)
Waun da Bierbraua
ban Bierbraun
a Briah braut,
grod a Braubriah
stodn Braubier,
wird da Bierfiahra
zan Briahfiahra,
und da Bierbringa
kau en Biertringa
zan Biertringa
grod a Briah bringa.
Doh ban Briahtringa
wird da Biertringa
wüd am Briahbringa,
und da Bierbringa
sogt zan Briahfiahra
"zah a Bier fiara!"
Drauf foaht da Bierfiahra
hoam zan Bierbraua,
haut en Briahbraua
hi af d' Stoamaua,
und nohn Zuahaua
rinnt en Briahbraua
söwa d' Briah aua.
A EITRIGE
(ChristiAna Pucher)
a eitrige
mit an gschissenen
a krokodü
a paor glasaugen
a oaschpfeiferl
und a 16er blech
hast an buggl
aba tschenifa
beuschlreiser
brauch i a
a hungrigar
a durschtigar
weanar
am wirschtlstandl
GEBRÄU DER HEIMAT
(Gerhard Benigni)
Claus Thaler. Sein Name. Und sein schulischer Werdegang. Der steckt im Tuborg. Vom Oberstufenrealegymnasium hochgesoffen bis zur Dissertation an der Technischen. Quasi vom Numerus Claus zum Delirium Clemens. Namensänderung inklusive? Clemens sana in corpore cerevisiae? Oder heißt er vielleicht Claus Clemens? Wahrscheinlich, denn seine Mitsäufer nennen ihn CC. Doch eines gleich vorweg: Ich bin keine Blaupause von CC. Ich bin AA. Eigentlich GB, aber in puncto Alkohol AA. Also ein Antialkoholiker. Aber, um Innenminister zu werden, müssen die inneren Werte ja auch nicht unbedingt stimmen. Trumer hab' ich mir gedacht, nachdem Schreiben ohnehin mein Bier ist, schreibst halt darüber einmal was. Vielleicht ein kurzes Gedicht über Bier. Ich spür' schon, da braut sich was zusammen.
Hopfn und Molz,
des ghert zsommen wie Pfeffer und Solz.
Mei, des reimt sich, voll stolz,
i hopf amol, eich gfollts.
...
BIER
(Christine Tippelreiter)
happy BIERsday
's GeBIERge
's BIERo
da SheksBIER
da BIERnbam
a BaBIERfuzzal
a BIERsing
a WamBIER
a TaBIER
da BIERgamasta
i kau nix dafia
i deng nua auns BIER
DA ZUAGROASTE
(Sabina Fudulakos)
In Wiadshaus howin es easchte Moi gsegn. Do gemma sunst nia hi, mei Schwesta und i. Mia kochan ollaweu söwa. Fuatgeh tan mia jo so guat wia goa net. Des an den Tog, des woara Ausnaum. D'Bernadett hot mi zeascht eh ohoidn woin davo, wiri gsogt hob, dass i geh.
"Zun Gspett vo de Leit wiast di mocha", hots gsogt. "Du alloa, a oide Jungfa unta de gaunzn Bsuff."
Wengan Wualn in da Speis samma daun owa do gaunga. Des hot ihr nämli a a Aungst gmocht. In da Frua, bein Kaffeetringa, haumas gheat. Und daun hauma uns en gaunzn Vuamittog neama einetraut in d'Speis.
Wiasn Hunga nimma ausghoitn hot, is daun mitkemma, d'Bernadett. Mia haum uns in d'Eck'n gsetzt, duat, wo driwa des Kruzifix so schiaf vo da Waund owehängt.
Vo den Moment au, wiara einekemma is bei da Tia, howi neama wegschaun kenna. A weng a Festa wora. Hot si glei zuwequetscht zun Tisch nem unsan, untan Wüdsauschädl, min Gsicht direkt vis a vi vo mia. Stott aufd Koatn hot a nua aufd' Tuttln vo da Wiadin gschaut. Daun hot a glei augschofft, ohne Nochdenka.
...
